Thursday, February 12, 2009

76.ബുള്‍ ഡോഗ് (Bull Dod)

ബുള്‍ ഡോഗിനെ ബ്രിട്ടിഷ് ജനത വെറും ഒരു നായെന്നതിലുപരി തങ്ങളുടെ അഭിമാനമായി ആണ് കാണുന്നത്.അധികം ഉയരമില്ലാത്ത കരുത്തനായ ഈ മാന്യന്‍ വളര്‍ത്താന്‍ കൊള്ളാവുന്ന മികച്ചയിനം നായകളില്‍ മുമ്പനാണ്.ചതുരാകൃതിയുള്ള ശരീരവും ചുളിഞ്ഞ മുഖവും ഉള്ള ഇവയുടെ രൂപം തന്നെ വളരെ വെത്യസ്തമാണ്.അല്പം തമാശപ്രിയനായ ഇവ നീന്താന്‍ കഴിയാത്ത നായ ആയതിനാല്‍ വെള്ളത്തില്‍ വീഴാതെ നോക്കണം.

ശ്വാസം മുട്ടലും കൂര്‍ക്കം വലിയും ഇല്ല ഇവ അധോവായൂവിന്റെ ശല്യവും ഉള്ളയിനമാണ്.പ്രായമുള്ളവര്‍ക്ക് വളര്‍ത്താന്‍ പറ്റിയ ഇനമായതിനാല്‍ ബ്രിട്ടനില്‍ പ്രായമുള്ളവര്‍ വളരെ പ്രിയത്തോടെ ഇവയെ വളര്‍ത്തുന്നു.ഇംഗ്ലീഷ് ബുള്‍ ഡോഗെന്നും ഇവയ്ക്ക് പേരുണ്ട്.

പതിനാറ് ഇഞ്ച് വരെ ഉയരം വയ്ക്കുന്ന ഇവയ്ക്ക് ഇരുപത്തി അഞ്ചു കിലോവരെ ഭാരം വയ്ക്കും.

കാവലിന് മോശമാണെങ്കിലും ആവശ്യമെങ്കില്‍ രക്ഷയ്ക്ക് നല്ലയിനമായ ബുള്‍ഡോഗ് ചിലപ്പോള്‍ മറ്റു നായകളോട് മോശമായി പെരുമാറിയെന്ന് വരും.അധികം വ്യായാമം ഈയിനം നായകള്‍ക്ക് കൊടുക്കരുത്‌.അതേപോലെ വലിയചൂടും ഇവയ്ക്ക് താങ്ങാന്‍ കഴിയില്ല.

എട്ടുമുതല്‍ പന്ത്രണ്ടു വയസ്സ് വരെ ആയുസ്സുള്ള ഇവയുടെ ഒരു പ്രസവത്തില്‍ നാല് കുട്ടികള്‍ വരെ ഉണ്ടാവാറുണ്ട്.മികച്ചയിനങ്ങളില്‍ ഒന്നായതുകൊണ്ട് തന്നെ വളരെയധികം ക്രോസ് ബ്രീഡ് ഉണ്ടാക്കാന്‍ ഇവയെ ഉപയോഗിക്കുന്നു.

1 comment:

അനോണിക്കുട്ടന്‍/anonykuttan said...

അധോവായൂവിന്റെ ശല്യവും ഉള്ളയിനമാണ്


കൂടെ കൊണ്ടു നടന്നാല്‍ നാണം കെടുമെന്നു ചുരുക്കും. കടവുളേ കാപ്പാത്തുങ്കോ