Wednesday, May 20, 2009

107.കര്‍ലി കോട്ടഡ് റിട്രീവര്‍ (Curly Coated Retreiver)

ബ്രിട്ടന്‍കാരനായ ഈ നായ കരുത്തും ബുദ്ധിശക്തിയുമുള്ളയിനമാണ്. ശരാശരി വലിപ്പമുള്ള ഇവ നല്ലൊരു നീന്തല്‍കാരനും ഉടമയോട് നല്ല കൂറ് കാട്ടുന്ന ഇനവുമാണ്. നല്ല ചുരുണ്ട രോമങ്ങള്‍ മുറിക്കേണ്ട കാര്യമില്ല. ഒപ്പം ഇവ വെള്ളത്തില്‍ നിന്നുകയറിയാല്‍ പെട്ടെന്ന് തന്നെ ഉണങ്ങുന്നവയുമാണ്.
മൃഗങ്ങളെയും പക്ഷികളെയും വായില്‍ പിടിച്ചു വെള്ളത്തിലൂടെ നീന്താന്‍ സമര്‍ത്ഥനായ ഇവ ഇതു പ്രയാസപ്പെട്ട കാലാവസ്ഥയിലും സാഹചര്യങ്ങളിലും ജീവിക്കാനും കഴിവുള്ളയിനമാണ്. അതുകൊണ്ട് തന്നെ ആസ്ട്രേലിയയിലും മറ്റും വളരെ പ്രയാസമുള്ളതും കഠിനമായ സാഹചര്യത്തിലും ഇവ നന്നായി ഇണങ്ങി വളരാറുണ്ട്. അതോടൊപ്പം ഉടമയുടെ സ്വഭാവത്തോട് വളരെ പെട്ടെന്ന് ചേര്‍ന്ന്പോകാനുള്ള കഴിവും ഇവയ്ക്കുണ്ട്.
ഗണ്‍ഡോഗ് ഇനത്തില്‍ പെട്ട ഇവയ്ക്കു ഇരുപത്തി ഏഴു ഇഞ്ച് വരെ ഉയരവും മുപ്പത്തിഒമ്പത് കിലോവരെ ഭാരവും സാധാരണഗതിയില്‍ ഉണ്ടാവാറുണ്ട്.
കാവലിനു മിച്ചച്ചയിനം ആണെങ്കിലും രക്ഷയ്ക്കായി ഇവയെ വളര്‍ത്താന്‍ കഴിയില്ല.ശരാശരി പതിനാലു വയസ്സ്‌ വരെ ആയുസ്സുള്ള ഇവയുടെ ഒരു പ്രസവത്തില്‍ ഏഴു മുതല്‍ എട്ടു കുട്ടികള്‍ വരെ ഉണ്ടാവാറുണ്ട്.

1 comment:

പാവപ്പെട്ടവൻ said...

അവന്‍റെ രോമങ്ങള്‍ കാര്‍പ്പെറ്റ് പോലെ ഇരിക്കുന്നു അടി പൊളി മനോഹരമായിരിക്കുന്നു