ഇവയെ മള്ട്ടി പര്പ്പസ് ഡോഗ് എന്നാണ് വിളിക്കുന്നത്.വെട്ടയ്ക്കോ കാവലിനോ ജോലിയ്ക്കോ എന്നുവേണ്ട എന്തിനും ഉപയോഗിക്കാം.പക്ഷെ കരുത്തനും അല്പം കുരുത്തം കേട്ടവനുമായ ഇവയെ നായകളെ വളര്ത്തി നല്ല പരിചയമുള്ളവനും അതോടൊപ്പം നല്ല ആരോഗ്യം ഉള്ളവനും വേണം വളര്ത്താന്.ഉടമയോട് അത്യന്തം വിധേയത്വം പുലര്ത്തുന്ന ഇവ പക്ഷെ വേട്ടയ്ക്ക് ഇറങ്ങിയാല് വേറെ സ്വഭാവമാവും.
എന്ത് മൃഗങ്ങളെയും വേട്ടയാടാന് മിടുക്കനായ ഇവ മരത്തിലും കയറാന് അല്പം കഴിവുള്ളവനാണ്.ഇവയുടെ ലെപ്പെട് എന്നാ പേരിനു കാരണവും ഇതുതന്നെ.
കറ്റഹോല,കറ്റഹോല, കുര്,കറ്റഹോല ഹോഗ് ഡോഗ്,ലൂസിയാന കറ്റഹോല ലെപ്പെട് ഡോഗ് എന്നും പേരുണ്ട്.
പ്രധാനമായും മൂന്നു വംശ പരമ്പരയില് കിട്ടുന്ന ഇവയുടെ ഭാരം വംശത്തിനു അനുസരിച്ച് മാറും.അമ്പത് കിലോ വരെ ഭാരം വരുന്ന റൈറ്റ് ലൈനും,മുപ്പത്തി രണ്ടു കിലോ വരെ വരുന്ന ഫെയര് ബാങ്ക്സും,ഇരുപത്തി ആറു കിലോ വരെ വരുന്ന മാക് മില്ലനും ഇക്കൂട്ടത്തില് പെടുന്നു. ഏതായാലും ഇരുപത്തി ആറു ഇഞ്ച് ഉയരത്തില് കൂടുതല് വരില്ല.
കാവലിനും രക്ഷയ്ക്കും വളരെ സമര്ത്ഥന് ആയ ഇവ പക്ഷെ മറ്റു നായകളോടും അപരിചിതരോടും വളരെ മോശമായി പെരുമാറും.ആക്രമിച്ചാല് പിന്മാറാത്ത സ്വഭാവവും മികച്ച ആരോഗ്യവും ആവുമ്പോള് വളരെ അപകടകാരിയാവുന്നതിനാല് വളര്ത്തുന്നവര് നന്നായി ശ്രദ്ധിക്കണം.
പത്തു മുതല് പതിനാലു വയസ്സുവരെ ആയുസ്സുള്ള ഈ അമേരിക്കന് നായയുടെ ഒരു പ്രസവത്തില് എട്ടു മുതല് പന്ത്രണ്ട് കുട്ടികള് വരെ ഉണ്ടാവാറുണ്ട്.
ഇതൊരു ഹൈബ്രിഡ് സങ്കരയിനമാണ്.കവലിയര് കിംഗ് ചാള്സ് സ്പാനിയേല്,ബിഷോന് ഫ്രീസ് എന്നീ ഇനങ്ങളുടെ സങ്കരം.കവലിയര് ഇനം പോലെ സ്നേഹമുള്ളവനും അതോടൊപ്പം ബിഷോനെ പോലെ മിടുക്കനുമാണ്.പക്ഷെ ഇവയെ മിക്ക കെന്നല് ക്ലെബും അംഗീകരിച്ചിട്ടില്ല.പക്ഷെ മിക്ക യൂറോപ്യന് രാജ്യങ്ങളിലും അമേരിക്കയിലും വളരെ പ്രചാരമുള്ള ഇനമാണ്.
Posts
